好多男士之所以甘願當「胸奴」，全因迷戀巨乳所凸顯嘅線條美，尤其係嗰條深長嘅乳溝，更加有攝人魂魄嘅吸引力！其實，除咗深溝之外，橫乳一樣好值得欣賞，好似日本寫真妹麻亞子，就係憑住養眼嘅橫乳線條而成功出位！
日本人做事一向仔細，連睇靚女都會從唔同角度出發，有人鍾意睇「下乳」，即係乳房嘅下半部分，亦有人鍾意睇「橫乳」，即係我哋香港人俗稱嘅波邊。喺日本寫真界，有好幾位女優都係以誘人橫乳而聞名，包括擁有「天使之橫乳」嘅奧津瑪莉莉、人稱「勝利女神」嘅菜乃花，以及近期嘅人氣女優麻亞子。
現年25歲嘅麻亞子，氣質樸素，一副鄰家少女嘅模樣，笑起上嚟仲好鬼甜。身材方面，阿妹以一對H Cup胸器最煞食，唔止Size夠大，而且質感天然，換上水着後更經常出現漏奶現象，露出嚟嘅橫乳仲被封為「雕刻之橫乳線條」，意思係話線條優美又誘人，靚到好似藝術雕刻品！
話時話，麻亞子唔止有身材，仲好有頭腦同藝術才華，事關入行前，佢係一位網頁設計師，出道之後多番利用自己嘅強項嚟搵食，例如為自己有份演出嘅朗讀劇《Greif》設計小冊子，間唔中又會以Freelancer身份接單開工。另外，阿妹嘅個人網頁都係自己一手設計，用嚟出售自己操刀設計嘅衣物同手機桌布，認真叻女！
講番阿妹嘅寫真事業，佢喺2018年參加咗「Miss FLASH 2018」，奪得最高榮譽，同小島瑠那、保崎麗一齊獲選為Miss FLASH！現時阿妹積極發展寫真事業，最近推出咗第5隻寫真碟《時空の奇跡》，以及出席攝影會活動，希望增加曝光率，令人氣進一步上升！
邊個話「波大無腦」？擁有H奶嘅麻亞子，不但自製個人網頁，仲會喺網上販賣自己設計嘅衣物，實行做生意搵真銀，真係好叻女呢！
網址：https://mahko.info/
年齡：25歲
身高：5呎2吋
三圍：36-23-34
撰文：賢