唔少女藝人為咗上位，賣弄身材係其中一個方法。不過一路發展落嚟都只係靠身材嘅話，就會好快被淘汰。如果好似岸明日香咁，身材激凸，而且口才了得，就能夠成功企穩陣腳喇！
30歲對好多女人嚟講係一個重要關口，擔心自己仲未嫁得出要攝灶罅，亦擔心自己嘅樣貌同身材漸漸走樣。傻女嚟嘅！緣分天注定，切勿為嫁而嫁，最重要就係揀到個自己鍾意嘅。至於樣貌同身材只要保養得好，一樣可以魅力十足，絕不比後生女遜色，就好似岸明日香咁喇！
岸明日香係小弟最鍾意嘅日本寫真女優之一，雖然佢今年29歲，但係姊系面孔韻味十足，氣質綺麗又明艷照人，真係愈睇愈令人心動！佢嘅身材吸睛指數度亦愈益上升，一來胴體比以前更纖巧，二來一對嫩白嘅木瓜形G奶堅挺有彈性。不過明日香喺訪問中表示，佢嘅魅力除咗嚟自胸前巨乳，一張大嘴巴亦功不可沒！
2012年明日香以寫真女優身份正式亮相，由於身材實在太激凸，而且成日掛住親切又甜美嘅笑容，令佢極速上位，2013年獲選成為一個乳類食品品牌嘅代言女郎，更參演電視劇《東京玩具箱》，發展相當順利，地位拍得住經典級寫真女王熊田曜子。另一方面，明日香亦作多線發展，例如喺主演嘅電影《Infomen獸之笑容，Guess之眼淚》唱主題曲，一展歌喉。除咗唱得，口材亦相當了得，平時有做電台節目主持，亦曾經為K-1格鬥賽擔任評述。
此外，明日香自細受到煮得一手好菜嘅母親影響，對於烹飪亦相當有興趣，早前佢就喺社交網展示自己煮嘅菜式，仲話未來想推出烹飪書，同大家分享食譜，真係多才多藝！
岸明日香除咗會喺社交網透露自己嘅工作消息，亦會不時分享自己烹調嘅美食，想睇吓阿妹近期又煮咗咩好餸，不妨Click入去睇睇喇！
網址：https://twitter.com/asupons02?lang=ja
年齡：29歲
身高：5呎2吋
三圍：37G-24-35
撰文：賢