唔少脫星報稱入行拍四仔嘅原因係為咗夢想，但係大部分人都唔相信，認為佢哋係為咗搵錢至真！美國人氣新進脫星Vanna Bardot就為自己平反，坦言做脫星係佢嘅夢想職業，而且最愛角色扮演添！
對於有人話以脫星為夢想事業，只不過係虛假理由，Vanna Bardot感到氣憤，仲要喺網上發貼指對方以偏概全，佢嘅反應之所以咁激烈，其實係有原因。喺美國邁阿密出生嘅Vanna Bardot，早前喺訪問中表示自細就係叛逆少女，唔鍾意受約束，高中時喺朋友屋企睇過四仔之後，就成為四仔迷，不但對Riley Reid、Janice Griffith、Sasha Grey等經典脫星嘅資料相當熟悉，更數得出佢哋演出過嘅作品，而且視脫星為夢想職業。
不過，畢業後佢冇走到四仔廠自薦，而係去咗髮型屋工作，每日為客人洗髮，後來佢嫌工作太枯燥，於是就辭職，轉營做成人網絡直播，同時喺成人俱樂部表演跳艷舞，因此吸引到四仔星探嘅注目，邀請佢拍四仔，2018年5月正式展開脫星事業。
雖然Vanna Bardot嘅出道作並非大廠製作，只係喺一個小型成人視頻網站拍攝四仔短片，不過佢仍感到相當興奮，而且好享受同男優演出床戲，尤其係一啲現實中冇試過嘅性愛體位，令佢高潮迭起，回味無窮。漸漸佢喺網上嘅人氣不斷提升，同時獲得著名片廠Evil Angel嘅垂青，搵佢演出《Hookup Hotshot: Sex Tapes #7》。大廠嘅製作過程不但令佢大開眼界，最重要係片酬豐厚，而憑住呢套作品令佢人氣爆升。
跟住佢先後同New Sensations、Hustler、Zero Tolerance等大型片廠演出，演技愈嚟愈精湛，備受讚賞，更喺AVN頒獎禮獲提名「最佳新進脫星」。雖然最終失落獎項，不過佢並唔介意，仲話冇獎攞事小，可以滿足到性幻想先最重要。問到佢最鍾意演出邊類題材四仔，佢就話最愛玩角色扮演，例如扮演被色誘嘅索女、壞車後被型男搭訕等，仲話自己愈演愈入戲，直頭當成自己嘅遭遇一樣添！
出生地：美國邁阿密
身高：162cm
三圍：32C-24-32
精彩推介
Vanna Bardot會透過社交網同粉絲互動，甚至會做直播跟粉絲聊天同表演。佢話受到粉絲嘅愛戴，令佢充滿自信，為四仔事業不斷打拚，更希望未來演出更多精彩四仔，以報答四仔迷嘅支持。
網址：https://twitter.com/vannabardot
撰文：魂