近年網絡上有唔少性感女Coser湧現，當中不乏質素標青嘅例子，甚至被男士們封為女神呢！出生於慶尚南道昌原市嘅宋珠兒，就係其中一位迷倒唔少男生嘅人氣女Coser！
早喺2014年投身攝影模特兒工作嘅佢，不但樣貌出眾、氣質迷人，更擁有34-25-36嘅火辣三圍，所以一出道已經好快獲得各大雜誌留意，經常搵佢拍攝寫真。由於人氣急升，阿妹嘅曝光率大增，開始涉足賽車女郎界，陸續喺多個國際車展上亮相，成為人氣車模之一，後來參加第四屆韓國賽車模特大獎賽，仲順利獲得最佳新人添。
不過，阿妹並未滿足於現狀，冇耐又走埋去做電競選手，同時又開始參與Cosplay活動。近年，呢位女Coser愈嚟愈多粉絲，發展愈嚟愈順利，仲躍居女神級別，果真魅力沒法擋！