通常叫得做「戰士」，身手都有番咁上下，否則又點同敵人打過？偏偏有一位女生自言唔擅長運動，卻順利當上「綠戰士」，佢就係新條由芽，咪睇佢柔柔弱弱、笨手笨腳，好多男士都被其柔美嘅外表所俘虜，真係人不可以貌相！
家陣日本寫真界以陽光型同妖艷型女優最吃香，但其實主打柔弱氣質嘅女優一直不乏捧場客，好似曾紅極一時嘅宮澤里惠，當年就係憑住雪白嘅肌膚、婀娜嘅身材，同柔情似水嘅氣質，令無數男士被迷倒。貴為日本樂壇超人氣組合乃木坂46嘅王牌成員白石麻衣，也有着同樣嘅魅力，難怪能成為寫真女王！至於今次介紹嘅寫真界新人新條由芽，擁有一副鄰家少女嘅面孔，氣質清秀，惹人憐愛，同麻衣有幾分相近，絕對有條件走紅。身材方面，現年22歲嘅由芽，有前有後，雖然冇麻衣咁高挑，但肌膚白滑，絕對不失吸引力！
入行前，新條由芽係一位業餘模特兒，仲有玩Cosplay，後來獲藝能事務所睇中，正式簽約做藝人。不過，阿妹嘅個性比較內向，要佢主動同人接觸已經唔容易，仲要喺人哋面前做戲兼賣弄身材，難度可想而知，所以佢起初真係唔太習慣藝能界生活。幸好經過一段適應期，阿妹總算將困難一一克服。最近由芽又面對新難題，皆因佢有幸參演特攝劇集《魔進戰隊煌輝者》，仲要係扮演重要角色——綠戰士速見瀨奈，偏偏佢唔係運動型，平時嘅嗜好都係練吓琴、玩吓茶道之類，好彩嘅係，阿妹只需要負責變身之前嘅部分戰鬥場面，變身之後，就會有替身代佢同壞人打鬥。其實由芽咁索，何不來一招以柔制剛，分分鐘有意外收穫呢！
新條由芽好鍾意喺社交網分享可愛自拍照，但由於近期涉足寫真工作，所以會上載部分性感相畀大家先睹為快，有興趣不妨多啲Click入去睇吓。
網址：https://www.instagram.com/yume_shinjo/
年齡：22歲
身高：5呎2吋
三圍：33-23-33
撰文：賢