雖然放屁係正常生理現象，但當中嘅聲響同散發出嚟嘅異味，卻令人超尷尬，如果女友每次曳曳時都會放屁嘅話，唔知大家會有咩反應？呢位男網民就有咁嘅回應，佢話：「女友性格內向又怕醜，當時用咗兩年時間先至追到佢。後嚟發現佢有個生理反應，就係每當高潮時就會放屁，雖然我一啲都唔介意，但係佢就一直好介懷，而且每次放屁死都唔肯認，仲會賴呢樣賴嗰樣，例如話係床頭板碰撞時嘅聲響、床腳移動時發出嘅聲音等等，最有趣嘅係佢經常賴屋企隻狗放屁。我講過好多次，呢啲都係情趣嚟，不過佢就因為咁樣嬲咗我，甚至拒絕曳曳添！最近我諗到條橋，就係如果女友肯承認佢放屁嘅話，就會即刻向佢求婚，唔知大家覺得呢條橋得唔得呢？」