天賦呢樣嘢，有時真係唔恨得咁多，好似韓國人氣車模徐雅蘭，身形高挑之餘，三圍比例亦相當迷人，難怪好多人都會羨慕地問：點解可以咁正嘅！
喺韓國江原道江陵市出生嘅徐雅蘭，天生麗質，早喺2012年已投身車模事業，以賽車女郎身份亮相賽場之餘，仲被車胎品牌睇中，成為咗代言人。據阿妹解釋，自己之所以咁索，原因係得到高質嘅遺傳基因。以身高為例，徐雅蘭有173公分，原來同佢阿爸高達183公分有關。樣貌方面，阿妹梗係索喇，但原來佢阿媽後生時亦係一位美人兒，仲曾經參加選美比賽添！
不過，天賦本錢固然重要，後天鍛煉亦唔少得，阿妹深明呢個道理，所以為咗保持迷人身段，不但勤做健身，更經常跳舞及調節飲食。唔知大家見到阿妹，有冇心跳加速嘅感覺呢？