受到疫情影響，市民好多活動都受到限制，生活真係枯燥乏味！不過喺日本就唔同，尤其係男士們就更加興奮雀躍，點解？因為AV廠SOD都知道大家就快悶出鳥來，所以積極舉辦女優見面會，為大家打氣兼解悶！
由7月26日開始，SOD喺旗下嘅女子社員酒場舉辦名為「2020夏，戀愛中的秋葉」活動，派出專屬女優古川伊織、唯井真尋、本庄鈴、青空光、戶田真琴以及小倉由菜同大家見面，招呼來賓飲酒之外，仲會一齊玩遊戲兼抽獎，順便推介一下SOD嘅AV作品以及各式周邊產品，為大家喺呢段積極抗疫嘅日子解吓悶。今次出席活動嘅女優都好有人氣以及號召力，相信會吸引到好多人參與，不過大家唔使擔心增加感染風險，因為SOD表示會做好萬全對策，以確保女優以及來賓嘅健康，咁就可以放心啦！