筆者呢排嘅心情認真麻麻，一來疫情再爆發，出外用膳受限制，各項娛樂場所統統關門，二來眼福受損，因為有位「神乳級」寫真女優宣告唔再拍寫真，佢係邊個？就係以下為大家介紹嘅索女忍野沙羅。
由於工作關係，筆者經常留意日本寫真界嘅消息，最唔想睇到嘅字眼包括：意味住女優狀態衰退嘅「崩壞」、一睇就知唔慌係好消息嘅「悲報」，以及代表某女優將會引退嘅「卒業」。話口未完，最近有位火辣尤物宣布「卒業」，佢就係現年25歲嘅忍野沙羅。講到近年寫真界最炙手可熱嘅女優，沙羅絕對係表表者，除咗樣貌標青、氣質誘人等優點，佢仲有一副堪稱極品嘅Body！先由肌膚講起，嫩白幼滑，猶如剝殼雞蛋，已夠吸引，阿妹胸前對G奶就更加正，夠圓夠挺又彈手，因此有「神乳」之稱！再加上沙羅好努力做運動，令身形更見苗條！
忍野沙羅由賽車女郎跳入寫真圈之後，除咗贏得「神乳」外號，仲被稱為「銷量最佳Body」同「完售女王」，莫非係因為佢出賣身體獲到好多恩客爭相「課金」支持？非也！係因為沙羅嘅寫真碟好賣得，就連搵佢做封面嘅雜誌亦一紙風行，所以阿妹挾住呢股聲勢，積極向影視圈進軍。人一紅，做乜都咁順利，沙羅上年喺電視劇《絕對正義》扮演情婦，反應出奇地好，令佢更有信心向演員方面發展，所以最近就宣布從寫真界畢業，希望專心拍戲。
即將推出嘅《Message》，係沙羅最後一隻寫真碟，之後佢就會展開藝能生活嘅新一頁，雖然筆者好唔捨得，但都祝福佢能夠成為一位成功嘅女演員。
忍野沙羅嘅寫真女優生涯步入最後階段，但呢期仲會拍吓靚相兼上載至社交網，想一睹阿妹嘅性感一面，就要密啲Click入去睇吓喇！
網址：https://twitter.com/oshino_sara?lang=ja
年齡：25歲
身高：5呎4吋
三圍：37-24-35
撰文：賢