女孩子要抓住男士嘅眼球，手段有好多，單憑樣子夠索已經十拿九穩，若然想要效果升級，就要學吓韓國人氣模特兒金雅斌，稍為露吓事業線，或者出動美腿攻勢了。
喺首爾出生嘅金雅斌，2014年之前已活躍於攝影模特兒界，後嚟轉做職業模特兒，曝光機會多咗，令更多人發現佢嘅魅力。不過，阿妹最初並非諗住做模特兒，而係想做市場推廣，但因為外形標青，最後踩咗入模特兒界，仲令佢好快紅起嚟。2015年底，阿妹仲做埋賽車女郎，每次以性感裝束亮相，都會成為鏡頭嘅焦點。眼見唔少賽車女郎做埋KOL，阿妹亦有樣學樣，雖然冇玩直播，但憑住超高人氣，足以令佢嘅社交網有超過5萬個追蹤者，真係魅力非凡！