每逢夏天，不禁令人想起喺泳灘上玩到笑容滿面嘅水着妹，之不過，天氣實在太悶熱，往往令人提不起勁出外，加上美少女係可遇不可求，為免白行一趟，筆者通常會喺呢個時候搵本寫真，涼住冷氣睇靚女，感受吓乜嘢係陽光氣息，而今年2月剛好年滿18歲嘅吉田莉櫻，正正話畀大家聽，青春有幾咁無敵！
日本有唔少寫真女優都好卡哇伊（Kawaii），例如魅力足以進入經典女優之列嘅佐山彩香，就有「日本一可愛女子高生」之稱。不過，彩香喺上年年尾宣布咗「掛靴」，唔會再拍性感寫真，令好多人都為之失望，幸好新人輩出一向係日本寫真界嘅特點，而芳齡18歲嘅吉田莉櫻，就被視為彩香嘅接班人！講真，如果筆者係經營美白護膚產品，一定搵莉櫻做代言人，事關阿妹唔單止青春嫩口、五官標致，佢嘅肌膚更加靚到冇得彈，誇啲講句，簡直係白到反光！配合埋阿妹嘅高挑身材——腰幼、腿幼，以及有啲肉地嘅上圍，感覺相當順眼！
由於天生麗質，莉櫻好細個已立志向藝能界發展，2017年膽粗粗參加一個叫「高1 Miss Con 2017~2018」嘅選美活動，結果梗係Sure Win！除咗贏得呢次活動嘅冠軍，攞咗「日本一可愛高校1年生」嘅稱號，仲成為時尚雜誌《Popteen》嘅專屬模特兒。之後，阿妹食住個勢踏入藝能界，演出過嘅電視劇包括《DASADA》。
踏入2020年，莉櫻終於年滿18歲，為咗紀念呢個重要時刻，特別去到關島拍攝首本個人寫真集《purio》。雖然日本呢期受緊疫情影響，好多人決定取消握手會、簽名會，但係莉櫻仍然好勤力為寫真集做宣傳，搞咗個網上直播，同粉絲見面同交流，真係夠晒親民！
吉田莉櫻近期開始喺寫真界發力，仲會將部分靚相上載到社交網，同大家分享，咁鬼Nice，想唔紅都幾難！
網址：https://twitter.com/r5i6o7?lang=ja
年齡：18歲
身高：5呎4吋
三圍：33-23-33
撰文：賢