過往曾經有唔少天王天后級歌手宣布退出樂壇，令歌迷非常傷心難過。而喺日本寫真界亦曾經有位索到震嘅女優宣布唔拍寫真，令男士們喊得一句句，佢就係紗綾。不過最近佢復出拍寫真，粉絲們終於可以再次欣賞到佢嘅弗爆身材喇！
唔知大家有冇發覺，日本AV女優好多都愈嚟愈肥，原因有唔少，有人話係因為佢哋長期要服用避孕藥，副作用令體形愈見肥胖，亦有人話係因為每次拍AV時，現場都會提供大量零食，所以就愈食愈肥。相反，喺寫真界班女優好多都愈嚟愈弗，好似生咗三個囡囡身材仲弗過以前嘅最強辣媽熊田曜子就係最佳人辦，當然仲有今日同大家見面嘅紗綾。
今年26歲嘅紗綾，比起初出道時更加有女人味，俏麗青春感覺仍然強烈，男人見到佢副笑顏更即時醒神晒！而身材方面，比以前更纖巧同健美之餘，一對天然F奶依然又大又富彈性，簡直係恨死班後生女，令人羨慕又妒忌。
紗綾好早就已經演出寫真，大家估吓佢推出第一隻寫真集係幾多歲？答案係只得11歲咋！大家唔使驚訝，因為呢種情況喺日本好普遍，所以好多人都係睇住佢成長，而佢成年後魅力與日俱增，演出尺度亦愈來愈大膽，更推出過全裸寫真添！不過，整體嚟講，紗綾嘅大膽演出唔算好多，而且亦唔會刻意賣弄色情，所以形象依然健康，否則都唔會喺2011年獲委任為福島縣北九州觀光大使，而呢個身份亦保留到今時今日。
2018年紗綾宣布唔再拍寫真，令到好多粉絲不知幾傷心。不過近期就見到佢有唔少寫真演出，唔通佢復出？紗綾解釋其實之前只係話唔再拍寫真碟，至於寫真集則會繼續拍攝，早前就推出最新寫真集《紗綾 100％FRESH！》，粉絲們一定唔可以錯過喇！
社交網站
紗綾除咗會上載自己嘅性感寫真之外，亦會分享擔任北九州觀光大使所出席嘅活動，想知道佢最近又去到邊度宣傳，就要Click上去睇睇喇！
網址：https://twitter.com/saayaofficial
年齡：26歲
身高：5呎
三圍：35F-23-34
撰文：賢