長月翠 肥妹仔變索女 絕對王牌偶像

脫胎換骨

日本AV界有一位傳奇女優，佢就係知名大食妹桃乃木香奈喇。唔好睇佢身材纖瘦，其實相當大食，閒閒哋一餐可以食三人分量o架！更令人驚訝嘅係佢初出道時原來係肥妹仔，但係家陣嘅身材弗到漏！而同樣由肥妹仔變成索女嘅，仲有近期人氣直線上升嘅長月翠。

啱啱度過20歲生日嘅長月翠可愛又精靈，個樣同前AV女優星美梨香有幾分相似，都係面尖尖及五官標致，仲有身材一樣係小巧配巨乳，不過長月翠副偈比星美梨香更纖巧同更鮮嫩，吸引力更強。然而，估唔到原來4年前嘅佢係肥妹仔一名，面又圓身又圓，至少比現時肥一倍，可謂判若兩人！

淘汰後復活

長月翠喺15歲時參加一個由網絡電台節目《偶像直播情報部☆》舉辦嘅選拔比賽，而成為偶像組合「Opening Sisters」嘅成員，並進身藝能界。後來組合解散，佢就參加選秀節目《最後的偶像》選拔賽，參加者需要接受其他參賽者嘅挑戰，比併歌藝輸咗就會被淘汰。而喺一次淘汰賽中，長月翠喺大部分評判都讚賞嘅情況之下，卻被主評判淘汰，令佢又傷心又氣憤，仲差啲退出藝能界添！

好彩，後來主辦單位都知錯，最後都畀阿妹回歸。經歷呢次事件，長月翠努力發揮魅力嘅意志更堅定，歌藝愈來愈進步，能夠同時以女子組合「泡芙火箭」以及「LaLuce」成員身份發展，更加被譽為藝能界嘅「絕對之王牌」！

長月翠

年齡：20歲

身高：5呎

三圍：34D-23-33

社交網站

長月翠最近推出寫真集《意外性》慶祝踏入20歲，從其社交網中就會見到佢密密為寫真集出席宣傳活動及簽名會，大家想知道佢最近去邊度幫粉絲簽名，就要Click入去睇睇喇！

網址：https://twitter.com/ll_cr_midori

撰文：賢