見到顏面兩個字，好多人都會諗起顏面掃地、顏面無存等帶貶義嘅成語，不過對於熟悉日本寫真行情嘅朋友就會為之精神一振，因為用到顏面二字，通常都係盛讚寫真女郎美貌出類拔萃，好似可愛巨乳妹十味就有「顏面最強」嘅稱號。至於最近推出首本個人寫真集嘅松下玲奈菜亦同樣有此名堂。佢今年21歲，青春可愛，而且五官標致，從邊個角度睇都係咁靚女，當佢展露笑容時，天真活潑感覺更加令人難以抗拒。
《いつまでも》係玲奈菜出道以來嘅第一本個人寫真集，以旅行享樂為主題，咁阿妹去邊度旅行呢？就係台灣喇！喺當地佢會去到不同景點吃喝玩樂，大家從佢面上嘅歡愉神色可以感受到阿妹嘅心情勁靚，亦因為咁，佢換上內衣作性感演出時更加放膽。另外，佢品嘗過帶點辛辣嘅美食以及啤酒之後，面色緋紅，微醉嘅表情，配上一身鮮艷又性感嘅中式旗袍，感覺妖艷又成熟，又同平時嘅可愛樣子別有魅力！