出眾嘅外形絕對係人氣模特兒嘅基本條件，尤其係IG大行其道嘅今日，冇番咁上下相頭又點可能吸引到粉絲呢？講到外形，韓國人氣模特兒柳莉顏絕對正到爆，加埋獨特嘅氣質，散發出濃濃嘅女人味，真係迷死人！
2014年成為職業模特兒嘅佢，曾為多本美容、化妝及汽車雜誌拍攝寫真，同年參加模特兒選拔比賽獲得「最佳新進模特兒獎」。2015年佢首次以車模身份喺首爾舉辦嘅國際車展亮相，玲瓏浮凸嘅身材加上美貌及過人嘅氣質，令佢成為其中一個亮眼焦點。同年佢又參加電玩展，Coser扮演日本人氣漫畫《ONE PIECE》中有「海賊女帝」之稱嘅寶亞‧漢哥古，更係令人津津樂 道。近年佢活躍於IG界，人氣超強！