福岡南S級美Body人見人愛

質感天然無添加

現今日本寫真界實在令男人大飽眼福，單係巨乳系女優就有好多出色人才，好似天木純、RaMu、紺野栞等等。可能有人會覺得佢哋係就係好雙乳，但係身形似乎帶點肥胖，唔夠完美。唔使怕！因為細身又好波嘅女優亦有大把，福岡南就係其中一位。

25歲嘅福岡南擁有一副小動物系面孔，精靈可愛又帶惹人憐愛嘅溫馴氣息，實在人見人愛！除咗美貌之外，身材更加獲評為「S級之美Body」，原因係胴體纖巧薄身，但係上圍卻有一對唔係咁合比例嘅E奶，而且質感天然兼堅挺，配上一身雪白無瑕嘅鮮嫩肌膚，質素之高確係難得一見。

學識廣博人氣升

上年年尾福岡南積極向寫真界發展，除咗以極品S級身材吸引觀眾嘅眼球，亦散發出一股知性美令人迷醉，南妹畢業於日本知名學府東京理科大學，主修建築學，故佢亦有「博識美女」嘅外號。

唔講唔知，原來佢喺2017年曾經以「菅井美沙」之名推出過兩隻寫真碟，不過當時未能成功彈起，輾轉過咗一段日子，佢就改名叫福岡南，自此之後，佢嘅事業運愈嚟愈好，成功進軍演藝界發展，包括演出獨立製作電影及舞台劇，並參與綜藝節目演出，當中佢表現出學識廣博嘅一面，令人對佢刮目相看，繼而人氣急升，結果成功上位！不過，人紅自然招惹是非，唔少人懷疑南妹曾經整容，所以先有家陣咁靚女。幸好，呢啲流言蜚語絕對冇影響到福岡南嘅心情同發展步伐，反而更加積極拍寫真畀大家欣賞，所以話男人就最有眼福！

福岡南

年齡：25歲

身高：5呎

三圍：32E-22-32

社交網站

福岡南近期忙於拍攝寫真工作，而佢亦會喺社交網分享拍攝花絮，如果大家想知道南妹喺拍攝現場有幾投入，可以Click上去睇睇喇！

網址：https://www.instagram.com/fukuokaminami373/

撰文：賢