花妹擁有一副高挑婀娜嘅模特兒級身材，氣質亦堪稱絕色，加上演技進步神速，2018年出道以來一直獲S1重視，待佢如珠如寶。早前，一花透過公開投票，成功獲選入知名藝能團體惠比壽麝香葡萄嘅研習生團隊。不過，最近佢喺社交網上載咗一封親筆撰寫嘅書信，當中提及到佢會退出團隊，至於原因就冇講，但係佢話因為自己有好多煩惱同有事要處理，若果到正式成為隊員之後先退團，不如喺呢個時期離開，可為團體帶來嘅麻煩盡量減輕，最後佢祝大家身體健康。睇到一花咁有誠意撰寫親筆信，反映出佢好真誠，唔係一時衝動咁做。在此亦希望一花只係退出麝香葡萄，而唔會宣布退出埋AV界啦，因為佢嘅演出真係好精彩呀！