女人唔着底褲，單係諗到呢點，畫面何其銷魂，之但係如果女友唔着底褲，身為男友又有乜感覺呢？呢位男網民明顯覺得好困擾，佢喺網上呻：「女友以前都會着底褲，後尾覺得反正成日喺屋企，着唔着都冇所謂，而佢又鍾意着短裙喎，望住佢裙底風光，真係忍唔住要即刻同佢啪啪啪，真係好正囉。點知有晚同女友去超市買嘢，佢就咁同我出去，理由係反正都冇人睇到，着唔着都得。我就覺得有啲過咗火，因為去超市要搭兩程扶手梯，後面嘅人咪好易睇到。佢話我諗多咗，仲話就算睇到又點，睇到又摸唔到喎。吹脹！嘈過幾次，佢始終都係堅持咁做。不過，補充一點，如果去遠啲嘅地方，佢都乖乖着番底褲，但我個心始終都係唔舒服囉。」
曹霸：巴打嘅出沒位置喺邊？話畀我聽。等我喺佢後面鑑定吓係咪會走光。佢講得啱呀，反正睇到又摸唔到，既然佢唔介意畀人睇，畀我睇吓，又有乜所謂。
六月天：其實佢係咪有露出癖㗎？如果唔係，點解唔鍾意着底褲呢？始終着底褲至有安全感，除非係着褲啦，否則唔着底褲反而唔係咁舒服。
Vivian：話晒佢都咁大個人，講又講過，嘈又嘈過，佢性格都幾倔強喎。其實你可以試吓氹吓佢，每次着底褲出街，你就畀啲驚喜佢，等佢知道你真係唔鍾意佢唔着底褲出街。
春子：你有冇諗過問題嘅根本喺邊度呢？話晒只係一條底褲，佢最初唔着都應該有佢嘅理由，咁你可唔可以畀佢知道，真心唔Like，講到尾呢個只係小問題啫，無謂為條底褲嘈吖。