索樣、巨乳、長腿同薄身，本來已經夠晒吸引，仲要經常派福利，嘩！呢啲仲唔係真女神？邊個正到咁呀？就係來自韓國嘅索模吳雅熙。
講起吳雅熙呢個名字，相信唔少人都會第一時間諗起佢對巨乳。事實上，早喺2013年以賽車女郎身份喺F1賽場上亮相嗰陣，阿妹已經憑住性感造型、胸前深溝、修長美腿同埋迷人美貌，一下子成為賽場上嘅焦點，仲好快喺網絡上爆紅。由於佢嘅出道演出夠晒矚目，所以跟住落嚟嘅發展亦相當順利，先後喺多個賽車賽事上登場，亦令佢成功喺2014年第三屆韓國賽車女郎大賽中奪冠。人紅自然多機會，阿妹之後仲被推薦成為一支由賽車女郎組成嘅演藝團體成員，真係羨慕死好多女孩子呢！