好多人都會有疑問：日本有好多AV女優都索到啪啪聲，正常嚟計，要搵個男友養自己應該唔難，點解會投身賣肉事業呢？其實背後原因真係有好多，可能係想出名，唔想平淡過一生，亦有可能係因為貪玩，想滿足自己嘅性慾，今日介紹嘅女優加美杏奈，就係鍾意男優多過男友嘅典型例子。
日本嘅AV廠各有自己嘅營運特色，舉例，OPPAI主打大波妹，Madonna主打美熟女，而跟S1、Moodyz並稱為北都集團三大重點AV廠嘅Ideapocket，就以時裝俏佳人為主力，好似相澤南、楓可憐，以及二人嘅師妹加美杏奈，都屬於優質美人兒。今年23歲嘅杏奈，笑容夠晒天真純潔，散發住陽光味，治愈力超強，所以有「最強笑顏」之稱。不過，阿妹唔笑都一樣夠煞食，因為佢嘅眼神精靈明亮，加上五官標致，唔拍AV都有本錢做明星。最難得嘅係，杏奈嘅身體有一個好「凸」出嘅部位，就係達到37吋嘅圓潤巨躉！表面光滑之餘，更呈現令人垂涎嘅桃子形狀，所以大得誇張但一啲都唔難睇。
喺今年1月，杏奈以Ideapocket嘅專屬新人出道，下海前係一位辦公室女郎，難道佢係因為做OL搵唔到食先入行？抑或厭倦咗辦公室嘅刻板生活？喺一次訪問中，阿妹大爆自己入行前有個40幾歲嘅同居男友，對方嘅床上表現唔夠活躍，令佢成日都處於慾求不滿嘅狀態，分手之後，決定聽從朋友建議，睇吓AV解悶，漸漸對拍AV產生興趣，所以索性拍埋一份。阿妹仲話拍AV係一個明智決定，因為男優嘅強勁戰鬥力令佢好興奮，難怪佢喺AV片中成日都笑呵呵，完事之後個樣仲冧到震。之但係，由於杏奈有專屬合約在身，而AV廠通常只會安排佢每個月拍一部，所以佢話完全唔夠喉，但都冇計，I廠呢類AV廠一向重質不重量，惟有忍耐吓啦。
加美杏奈活力十足，經常喺社交網發表自拍嘅跳舞片段，想睇吓阿妹點樣發揮可愛魅力，就要多啲Click入去睇吓喇！
網址：https://twitter.com/kamianna_
年齡：23歲
身高：5呎3吋
三圍：34-23-37
撰文：賢