喺日本咁多間AV廠之中，以SOD最識得為AV迷炮製神秘感，就好似前年咁，SOD搵到神秘美女本庄鈴登場，佢當時連藝名都未有，等到坊間紛紛予以支持，先幫佢改番個名。較早前，SOD又重施故技，搵來一位標致又帶點病態美嘅謎之美女。呢位美人兒皮白肉嫩又好波，本來一登場就有條件成為萬人迷，但係SOD為咗令大家對佢嘅神秘印象加深，所以喺阿妹部處女AV上市之後，依然未畀到個藝名出嚟。好彩，大家對阿妹嘅反應相當好，SOD終於幫佢改番個靚名，叫做夏目響！
對於AV迷嚟講，呢個名別具意義，原因係廿年前，SOD嘅經典女優夏目奈奈可以話係迷盡萬千AV迷，大家仲對佢念念不忘，而SOD亦係靠夏目奈奈而成功振興業績，所以將阿妹個名改以夏目為姓氏，少不免會勾起一啲回憶，亦反映出片廠將會努力咁力捧夏目響上位，將佢打造成第二個夏目奈奈。