師傅成日同我講，做人最緊要係「搵到，剩到，身體好」，但又有幾多人真正做得到？喺日本AV界，好多女優都係餐搵餐食餐餐清，搞到引退之後都要返轉頭再拍AV，亦因為有咁多先例，部分識得諗嘅女優會開發拍AV以外嘅收入，好似桃乃木香奈就創立咗屬於自己嘅時尚品牌「桃乃木屋」，而深田詠美更加喺開舖做生意添！
深田詠美係近年AV界嘅傳奇女優，2017年以藝名天海心出道時，人氣平平，好快就消失咗，但係到咗2018年重現AV界時，不但改咗個名，個樣仲變索咗，身材亦激凸咗好多！阿妹毫不避忌咁公開自己係經過整容，但係由於佢變樣後太索，加上演出時癡態盡現，人氣亦隨之爆升，更被視為明日花綺羅嘅接班人。最近，詠美為大家帶來重要消息，就係即將於新宿開設皮膚美容中心，而舖頭現時正在裝修，預計喺5月18日正式開業，由詠美做生招牌，相信就算吸引唔到尋常女仔，亦可以吸引到唔少想翻身嘅AV女優。