唔知大家仲記唔記得，喺3月時日本AV界傳出喜訊，就係超級爆乳女王小向美奈子突然喺社交網上載咗一張結婚證書，當時大家都對於呢位拍過咁多AV，而且仲拍埋四仔嘅一代AV天后有人娶而大表高興，唔少女優同AV迷都紛紛向佢送上祝福。不過，隨後大家都覺得好奇怪，因為美奈子完全冇透露過有關老公嘅資料，唔似佢一向都鍾意製造話題嘅作風。
最近，美奈子終於對結婚一事作出回應，佢發布咗一段影片，當中佢解釋話自己從頭到尾都冇結過婚，咁點解會有張結婚證書呢？原來，早前佢去咗一間餐廳食飯，覺得啲食物實在太好味，加上飲多兩杯之後，所以就帶住幾分醉意話要嫁畀個廚師，點知餐廳嘅人又好配合，仲唔知喺邊度搵到張結婚證書出嚟畀佢填寫，之後佢就分享到社交網。原來只係個酒後玩笑，美奈子根本冇結婚，早啲講嘛，搞到我傷心咗好耐呀！