春天來了，夏天還會遠嗎？一諗起夏天就會諗起水着美女，諗起水着美女應該會令一眾AV迷諗起一個泳池，就係被稱為「例之泳池」，亦有「萬惡泳池」之稱嘅水中激戰常用泳池場景喇！佢係一幢大廈嘅室內泳池，經常被人租用拍攝寫真，當然最令人印象深刻嘅，就梗係用嚟拍AV啦，相信唔少AV迷一見到呢個泳池，腦海就會浮現一幕又一幕嘅激烈水戰場面，不過未來好可能會暫時見唔到呢個充滿淫亂事迹嘅泳池喇！
早前有消息指有關方面會停止畀人租用萬惡泳池嚟拍AV，原因係每次拍攝完後，工作人員都需要做一大輪工夫清潔，一來花時間，二來又要花費購買消毒清潔劑，成本相當高，點解要咁嚴格清潔泳池呢？事關男女優喺泳池激戰時少不免都會遺下體液，為保障其他用者嘅安全同衞生，有關方面唔做足清潔工夫又點得呢？至於泳池會停止租用幾耐呢？暫時仲未有消息，大家想睇泳池激戰場面的話，惟有睇番舊作止渴喇！