寺本莉緒奇迹美少女 新一代童顏巨乳掌門人

廟細燈籠大

日本寫真界歷來都人才濟濟，如果講到童顏巨乳系女優，曾經被封為掌門人嘅篠崎愛當然令大家記憶猶新，仲好掛住佢萌味十足嘅面孔以及脹卜卜嘅白滑巨乳啦！估唔到，出色嘅童顏巨乳妹亦陸續有來，好似RaMu、青山光等，不過佢哋係就係夠大波亦夠可愛，但係欠缺健康陽光氣息，予人妖媚邪氣感覺，唔得正派，咁又有邊個有資格呢？咪就係今日同大家見面嘅寺本莉緒囉！

今年18歲嘅寺本莉緒，雖然五官唔算好標致，但係散發出一股天真純潔氣息，而且笑容甜美好有治愈感。至於身材方面，生得細細粒，身高僅得4呎11吋，體態纖巧，但係就有對堅挺又彈手嘅極品G奶，呢副胴體名副其實係廟細燈籠大，亦因為咁佢被稱為「奇迹之18歲美少女」。

氣勢如虹

其實莉緒唔係近年至作幕前演出，原來佢曾經做過童星，而喺2015年即係佢大約13歲嘅時候參加過選美活動「DREAM GIRL AUDITION」，兩年後更參與舞台劇演出，作品包括《屋頂上小提琴演奏》，直到2018年佢就進軍寫真界，更以寫真女優身份加參「Miss Magazine」，結果奪得「雜誌獎」，成為呢個選美活動有史以來第一位來自廣島嘅得獎者。

提到莉緒嘅家鄉廣島，地區棒球隊伍廣島鯉魚隊嘅專屬電視節目《鯉魚道》，就經常邀請同鄉兼隊伍粉絲嘅莉緒做嘉賓，令曝光率進一步增加。近期，莉緒又有好消息話畀大家知喇！就係上月尾推出嘅首本寫真集《CURIOSITY》銷量理想，甫上市就奪得「書泉女性寫真集銷量排行榜」第一位，據聞仲要大量加印應市添，認真氣勢如虹呀！

寺本莉緒

年齡：18歲

身高：4呎11吋

三圍：34G-24-34

社交網站

喺寺本莉緒嘅社交網，除咗可以睇到好多露出大半球嘅性感寫真，亦可以睇到各種趣怪影片，從中大家可以感受到莉緒嘅可愛調皮一面，令人愈睇愈鍾意。

網址：https://twitter.com/lespros_t_rio

撰文：賢