近年日本AV業界發展唔算得上有好多大變化，不過除咗舊有勢力繼續落力為大家拍AV之外，亦有一間AV廠異軍突起，佢就係同SOD關係密切嘅FALENO喇！成立以來氣勢愈來愈勁，近期仲先後從S1拉攏到吉高寧寧、天使萌以及橋本有菜三位有人氣又有實力嘅頂級女優，而喺佢哋加盟之前，有一位屬前S1專屬女優嘅極品尤物擔任F廠嘅開荒牛，佢就係前名叫葵，現改名為小野夕子喇！
夕子係難得一見嘅出色女優，除咗有豐滿又有曲線美嘅身材，仲有對極品H奶，而令人覺得魅力驚人嘅係佢外表冷艷，但喺床上嘅表現卻肉緊得叫人傾心！夕子喺上年12月成為F廠專屬女優，可以話係廠方嘅開朝元老，然而最近佢突然宣告從F廠畢業，將於5月推出嘅《しゃぶり續けるスペルまみれフェラチオ》就係畢業作品。至於夕子畢業之後到底會去其他廠發展定係引退？暫時仲未有消息，不過大部分AV迷都認為前者機會比較大，原因係阿妹狀態仲係好弗，而且家陣市道咁差，唔怕AV真係冇乜其他「錢途」，所以大家可以放心，未來應該可以繼續睇到夕子嘅精彩演出。