韓國嘅賽車女郎有乜嘢特徵？艾敏英就係最佳嘅示範，皆因作為人氣賽車女郎嘅佢，樣樣都達到標準，有樣有身材又有氣質，而且可塑性相當高，形象百變，喺賽場上佢散發出陽光氣息，當中又帶點溫柔，絕對係天使化身！當佢拍寫真時，女人味卻又濃到瀉，加上火辣身材，真係睇到人心跳加速。不過，咪以為佢只得外表冇內涵，其實佢擁有經濟學士學位，絕對係內外兼備。
佢喺2011年開始從事模特兒工作，之後踩入賽車女郎界，憑住玲瓏浮凸嘅身材，加上一對修長美腿，好快就喺業界彈起。自此以後，佢唔單止經常喺賽車場上亮相，仲成為唔同車隊嘅專屬賽車女郎，跟住佢又做埋車模，化身成誘人女神喺展場上搔首弄姿，吸盡男士們嘅目光。不過唔講唔知，原來佢最愛就係賽車，當中嘅速度與激情令佢興奮無比！