講到美國四仔界嘅天后，當然係紅足二十幾年嘅Jenna Jameson，但係佢總有一日會退位讓賢，咁邊個會成為接班人呢？業界就公認Riley Reid絕對係首選，究竟佢有乜條件咁吸引呢？
要成為四仔天后，有人話最重要係有對巨乳，但睇番Riley Reid嘅上圍拍埋一眾脫星中唔見有乜太突出嘅地方，但係佢又真係勁紅，所以成功上位絕對同車頭燈嘅大細無關。本來從事成人模特兒嘅佢，憑住迷人樣貌及渾圓美股而備受注目，及後佢被四仔片廠睇中，2011年以19歲之齡進軍四仔界，不過當時佢以藝名「Paige Riley」登場，冇耐先至改用現時名字。出道之後，佢挾住成人模特兒界嘅人氣，同埋有別其他脫星嘅誇張表情同床上反應，以真情流露打動四仔迷，令人氣持續上升。
後來佢更成為「10位Jenna Jameson接班人」選舉活動嘅候選人，雖然佢係10位候選人中演出資歷最淺嘅一個，但係能夠入圍足證佢已經獲得大眾認同，視佢為未來新星。事實上，Riley亦深知自己嘅優勢唔係身材，而係演技同靚樣，故此佢每次演出都相當認真同嚴謹，拍攝前都會同導演及男優溝通，做足準備工夫，值得其他脫星學習。
除咗作品銷量成績理想，Riley先後獲得唔少獎項，包括喺2013年嘅XBIZ四仔頒獎禮奪得「年度最佳新進脫星獎」、2014年榮獲「最佳女配角」、「惡搞系四仔最佳脫星」以及「年度脫星」等3個大獎，同年又喺AVN頒獎禮上奪得「最佳性愛演出獎」，對於出道僅3年嘅Riley嚟講，可謂成就非凡。
不過佢仲未攞完獎o架，2015年休息咗成年充足電後再發威，喺2016年嘅XBIZ頒獎禮再次獲得「最佳女配角」，同年又於AVN頒獎禮獲得「年度最佳脫星」、「最佳性愛演出」等獎項，2017年更榮獲「最受歡迎脫星」。而Riley唔單止演技出色，連玩社交網都一樣咁掂，上年喺Pornhub頒獎禮佢就獲粉絲票選為「最佳Twitter平台脫星」喇！
咪以為佢攞足咁多年獎好容易，其實佢花咗唔少心思，一直帶畀大家新鮮感，近年佢就用愈嚟愈有分量嘅臀部做賣點，更被四仔迷封為最性感美股脫星。Riley話為咗令自己嘅臀部更性感，花咗好多時間健身，務求可以畀到大家最佳嘅視覺效果，因此佢嘅成功背後真係付出唔少o架！
Riley Reid有種迷人魅力，可能第一眼睇唔覺得有乜吸引，但係睇過佢嘅演出後，就會對佢深深着迷。另外，佢相當識得經營Twitter，會將四仔新作包裝成生活片段，令人覺得佢相當有品味。實情係咪咁？真係要睇過至知喇！
網址：https://twitter.com/rileyreidx3
出生地：美國邁阿密
身高：160cm
三圍：32B-24-34
撰文：魂