喺香港，好多男人對於擇偶都抱住退而求其次，又或者係但求就手嘅心態，唔單止揀個奇貌不揚嘅女人做老婆，更加會屈服於對方之下，搞到自己又要返工又要做家務！不過，我冇怪佢哋，因為咁樣先會少咗人同我爭泉里香呢位樣樣都咁掂嘅女神嘛！
日本寫真界一向美女如雲，但要搵到一位樣子標致、有前有後兼腰幼嘅女優，亦唔係咁容易，數來數去小弟印象中都係得家陣已經貴為影視紅星嘅綾瀨遙、近年已大大減少寫真演出嘅今野杏南，以及今日介紹嘅泉里香。現年31歲嘅泉里香，綺麗美艷，可以話係美若天仙，誇啲講句，一個眼神就足以傾國傾城！而令人覺得上天唔公平嘅地方，係泉里香身材高挑婀娜，上圍對F奶又彈又挺，腰肢纖幼，屁股亦夠飽滿，肌膚仲要白滑細嫩，簡直係男人夢寐以求嘅終極女神！
雖然對於好多人嚟講，泉里香係一個新面孔，但係阿妹早喺18年前，即2002年已經同藝能事務所簽下合約，展開藝能活動。不過，大家唔需要覺得相逢恨晚，因為泉里香曾經用過好多藝名，初期叫濱千咲，之後就用梨華，跟住又改名為泉里果，及至2008年改為泉里香，而呢個名一直用到今時今日。出道以來，泉里香嘅表現真係瓣瓣都咁掂！首先係讀書掂，佢畢業於日本知名學府明治大學文學部；第二就係做模特兒掂，冇計啦，泉里香生得一副好身材，唔掂就真係冇天理！第三就係做戲掂，演出《美少女戰士》電視版扮演水野亞美，及後演出唔同角色都獲得好評；第四就係做導師都掂！最後，泉里香仲連環出書，一本係個人寫真集，另一本書叫《RIKAtoZ》，教大家點樣減肥、扮靚靚，有泉里香以自己嘅經驗作為實證，說服力真係好掂！
簡介：泉里香會喺社交網絡跟大家分享生活點滴，緊貼呢個網，就可以知道阿妹最近做過乜喇。
網址：https://www.instagram.com/rika_izumi_/?hl=ja
年齡：31歲
身高：5呎5吋
三圍：36F-22-34
撰文：賢