早前大型團體惠比壽麝香葡萄搞咗個網上投票，畀大家從多位候選美女當中選出心水女優，得票最高嘅3位就有資格成為團體嘅新任成員，而投票結果係榮川乃亞、山岸逢花以及深田結梨勝出。不過喺舉辦投票時，主辦單位明明話會招募4位女優加盟o架喎，咁第4位女優係邊個呢？答案就喺早前播出嘅麝香葡萄專屬電視節目《真夜中之運動會》已經揭曉！呢位女優身材纖巧而不失吸睛魅力，面孔帶綺麗氣息兼且妖艷風韻，佢就係剛剛轉型行人妻風格不久嘅希島愛里喇！
愛里可以話係隆重回歸，因為佢其實係初代惠比壽麝香葡萄嘅第9期成員，而初代解散咗之後，佢除咗繼續努力拍AV，亦以女歌手身份表演唱歌及彈結他，今次麝香葡萄有佢加盟，絕對係生「色」不少。