Home Office梗係爽啦，可以邊食邊做，得閒又可以同屋企隻貓玩吓，再唔係睇住四仔同老細視像開會都仲得！不過大家爽到心花怒放，似乎忘記咗網絡世界比現實仲危險，因為有好多「病毒」囉！據成人新聞網報道，有網絡安全公司統計發現過去兩個多月以來，不少政府部門及企業都實施在家工作政策，結果好多人中招，遭受惡意程式及黑客攻擊，不僅威脅企業僱主，更威脅埋員工本身，因此建議公司要提升網絡防火牆保護意識喎！
咪以為一定同員工上鹹網有關噃，其實疫情爆發以來，有網絡安全公司已發現網絡犯罪分子會冒充大型零售商，偽造出售市民急需用品，例如廁紙，酒精搓手液及口罩。咁當然鹹網嘅毒就最惡，因為男人都係鹹濕，見到J圖咁精神，點都Click入去望兩眼先啦！所以各位網友注重個人衞生外，更要注重「數碼衞生」或「網路衞生」，否則在家工作，可能連電腦都冇埋o架！又唔使咁愁嘅，使少少錢，分開兩部機咪安全啲囉！