都丸紗也華 碧波女神寫真拍到30歲

乳溝深不可測

師傅教落做人最緊要唔好忘本，千祈唔好發咗達就唔記得以前幫過自己嘅人。不過，世界上的確有好多人唔念舊情，好似唔少寫真女郎咁，成功上位做咗演員、主持，就會同寫真界及一眾寫真粉絲講拜拜，想佢哋再有性感演出？除非人氣下滑到一個低點，先可以望佢哋「為藝術犧牲」再賣弄性感！不過，都丸紗也華呢位美人兒就唔同，因為佢剛剛喺訪問中表示唔會咁快放棄寫真事業！由於佢好鍾意喺寫真中玩水，所以有碧波女神之稱，可算係小弟近年嘅心頭好，一來佢氣質青春秀麗（現年23歲），帶點混血兒嘅風韻迷人之餘亦令人一見難忘！而佢嘅身材就更加令男人興奮若狂，因為紗也華肉地雪白嫩滑，碩大嘅水滴型肉球飽滿且彈性十足，只要輕輕一夾就可以製造出又深又誘人嘅乳溝，實在太正喇！

期待姊妹檔

都丸紗也華喺2012年出道，並於2016年推出個人寫真，由於身材太火辣，加上擁有一副出類拔萃嘅正統派美人胚子，令阿妹上位速度快過坐火箭，冇幾耐仲有機會拍日劇及電影，並且喺多個綜藝節目成為嘉賓。難得嘅係紗也華即使喺影視圈發展順利，依然冇諗過放棄拍寫真。喺剛推出嘅第三本寫真集《MeeTomaru》當中，紗也華就繼續做出水芙蓉兼大玩濕身誘惑，並且首次着上T-Back上陣。為呈現最佳狀態，紗也華喺拍攝前一段日子，每日都會為屁股塗抹乳霜令肌膚更光滑，的確係用心良苦，亦反映出佢對拍寫真嘅熱誠！喺一次訪問當中，紗也華仲話只要胸部夠健康，會一直拍寫真拍到30歲。而日後大家仲可以期待都丸嚟個姊妹檔演出，事關佢妹妹都丸亞華梨早前亦加入寫真女優行列，教人相當期待呢！

社交網站

簡介：都丸紗也華經常將自己嘅時裝照放上社交網，另外每次拍攝完寫真，亦會將花絮照片公開同大家分享。

網址：https://www.instagram.com/tmrsyk/

都丸紗也華

年齡：23歲

身高：5呎2吋

三圍：35-24-35

撰文：賢