想要一炮而紅可以點做？最簡單嘅做法就係出位！係AV界亦唔例外，好似一位新進AV女優咁，唔單止承認自己整過容，仲坦言之前用咗大筆錢搵牛郎，名副其實語不驚人死不休，卻成功製造話題，引起廣大AV迷嘅注意！
隨住近年日本AV女優藝能化，唔少女優都開始注意自己嘅形象，好少會憑出位言論引人注意，之但係AV界新片廠FALENO嘅專屬女優高嶋明實（高嶋めいみ），卻喺電視台深夜節目《太郎認真聽》（じっくり聞いタロウ）中大爆料。佢先坦承用咗接近700萬日圓（約HK$49萬）整容，仲分享埋整容前後嘅相片。雖然AV迷家陣對整容嘅接受度高咗，但始終唔係咁接受到整容前嘅尊容，而憑住萌味喺去年12月出道嘅佢，如此坦白絕對係形象大衝擊！此外，Cosplayer出身嘅佢又自爆曾做過風俗孃，做呢行嘅原因竟然係為咗貼錢畀牛郎，多年以嚟用咗超過2,400萬日圓（約HK$168萬）！不過佢話近年已玩厭咗，但仍係好想要多啲錢，仲話希望有個內地有錢佬包養佢。咁出位嘅言論，差啲嚇到班節目主持唔知點做節目呀！
要成為日本人氣女Cosplayer，除咗要有樣有身材外，最重要就係萌味十足，要數高濃度萌味嘅話，就有呢位喺日本人氣超強嘅望月Mochi子（望月もち子）。鳥取縣出生，喺名古屋長大，現居於埼玉縣嘅佢，早喺2015年已經開始從事Cosplay活動，但凡喺ACGN展中都會見到佢嘅身影。雖然展場人頭湧湧，但要搵望月並唔難，事關日本Cosplayer迷話只要睇吓邊度最多龍友聚集，就好大機會發現佢嘅蹤影。原因唔單止在於望月迷人樣貌及火辣身材，亦因為佢經常以超性感嘅Cosplay造型登場，低胸露乳溝加露底放題，試問點可能唔吸引眼球呢？難怪望月早前喺白色情人節舉辦嘅粉絲攝影會爆滿收場，而佢嘅新寫真集亦被搶購一空呢。
外國人嘅思維有時都相當特別，事關佢哋不時會發出令人啼笑皆非嘅疑問，絕對估佢唔到！話說英國網上有人提出疑問，如果載套啪啪啪嘅話，係咪可以避免感染新冠肺炎？嗱！大家唔好笑住，因為對於提問者嚟講，呢個係勁嚴肅嘅問題！而且與此同時，亦真係有專家出嚟為佢解疑難——英國線上醫療服務網站Zava嘅醫生Simran Deo，就警告呢班鹹濕友，千祈咪以為戴咗套啪啪啪，就唔會感染新冠肺炎。事關呢種病毒係透過咳嗽同打噴嚏所產生嘅飛沫作傳播，而且飛沫落咗地仍有機會被吸入，根本同戴唔戴套零關係。老實講，戴咗套同感冒病人啪啪啪，都分分鐘有機會被傳染喇，所以真係唔明點解會有人提出如此疑問？
撰文：魂