真係慘慘豬囉！雖然話四仔廠嘅乜乜每月之星對脫星荷包根本「零貢獻」，但話晒能夠成功製造話題性，至少幫到佢哋推高人氣，而個人社交網亦可以呃吓Like，配合埋各大夜場出騷，自然收入大增。但係最近受到新冠肺炎影響，令每月之星冇人關注，好似Savannah Sixx被四仔廠Team Skeet捧為「3月之星」，無奈已經嚟到3月尾，阿妹又扮兔女郎拍寫真，又同步推出新四仔，結果點？莫講話粉絲，連網民都冇心情關注佢，搞到阿妹自己色情自己推，喺Twitter日夜不停講完又講，啲圖出完再出。其實Savannah Sixx出道一年多，演出逾70部四仔，家陣先叫嶄露頭角，諗住今次可以發圍，點知冇人留意兼冇工開，確實係好灰！好在阿妹唔認輸，喺社交網開Live免費表演自摸畀大家睇，目的就係為咗呃Like，唔係咁都托手㬹嘛？