快樂可唔可以買返嚟？年紀愈大，呢個答案就愈明顯，只係喺情慾世界中嘅買（Buy），其實唔一定要用錢嘅，反而加少少創意同遐想，就能夠體會到當中誘人之處。
正常俚語中嘅「Buysexual」，意思係指鍾意購買嘅男人，但喺情色字典中原來有兩個意思，一個係暗指妓女，原因好簡單，因為要用錢買返嚟嘅性愛，既簡單又易明；另一個意思係指某種女性，當你送禮物畀佢，先至會同你上床，但平日向佢求歡就睬你都傻，而禮物愈名貴，上床次數就愈多。從呢個角度嚟睇，好似唔係一種正常嘅男女關係喎！
「E-ticket」即係電子票，但喺情色俚語中嘅「Buying an E-ticket」又係乜嘢意思呢？原來佢係指女士自娛行為，真係估佢唔到囉！講起女士自娛，情趣用品網站「Smile Makers Collection」曾經做過一個調查，發現全球有超過半數嘅女士曾自娛，而亞洲女性比歐美女士更多，約三分之二嘅女士有過自娛行為。此外，佢哋又稱美國有半數嘅受訪女士，喺過去三個月內曾經自娛，尤其係25至29歲嘅年齡層佔最多。
買嘢要買名牌，睇四仔當然要睇名廠出品，呢套由大廠Digital Playground喺2011年1月推出嘅《Buy A Bride》絕對係佳作。由四仔名導Robby D執導，並搵嚟Angel Dark、Haley Cummings、Nikki Benz等人氣脫星演出。故事講述單身富豪暗戀由Angel Dark飾演嘅調皮女僕Maria，更經常幻想將對方調教成淫娃，最估唔到係，原來Maria竟然同樣有被調教嘅諗法，結果就開始連場床戰。
Angel Dark喺2002年出道，本嚟佢諗住入行拍寫真，結果誤打誤撞走咗去拍四仔做脫星，人氣愈嚟愈高，喺2011年AVN頒獎禮上更獲得「年度最佳脫星獎」，足見實力強勁。
喺日本AV界有個女優爆買嘅嘢幾特別，後來仲要買到做埋產品代言人，講緊嘅就係萌味十足，擁有一對33D嘅佐倉絆。1989年5月30日出生嘅佢，本來喺女僕咖啡店工作，2011年10月參加萌味偶像比賽而成為寫真女優，2014年7月加盟AV片廠KMP以專屬女優出道。原來早喺佢拍AV之前，有鋪買情趣玩具嘅喜好，震蛋、震棒，甚至J杯乜都有，更經常喺Twitter上開箱加體驗分享，仲解答粉絲喺使用情趣玩具上嘅疑難，後來更成為情趣用品店嘅代言人添！可惜佢宣布今個月底引退，AV界又少一位萌味爆燈嘅女優喇！
撰文：魂