好多人都覺得男人應該鍾意年紀比自己細嘅女仔，但係傾慕之情本應無年齡之分，而睇寫真就更加唔需要分靚女嘅年齡喇！日本寫真界有好多索女屬於姊系美人， 佢哋散發陣陣迷人風韻，以下介紹嘅青山美崎及高田秋，就足以令任何年齡嘅男人都一見傾心！
小鳥依人同壞女孩，大家會點揀呢？小弟就比較喜歡後者，因為乖乖女實在太悶，唔能夠製造驚喜同刺激，如果大家都係咁諗，現年31歲、於埼玉縣出生嘅青山美崎絕對會係你杯茶！青山美崎原本係一名OL，22歲時經熟人介紹下參加選拔，最後成為了賽車女郎，於2013年更喺Race Queen Of The Year獲獎，可見美貌身材都有保證！而佢哋面孔略帶成熟同妖艷氣質，加上一身古銅膚色，一睇就知佢野性難馴！喺佢最新推出嘅首本寫真集《Megu2020》中，去到夏威夷取景嘅美崎受到當地嘅熱情所感染，變得更加野性同奔放，於自然環境下更將衣服統統脫掉，仲會嚟個激情裸泳！想知青山美崎今次喺寫真集會裸露到咩程度，就要自己買本探索喇。
現年28歲、於北海道江別市出生嘅高田秋，早喺高中時已經兼職擔任模特兒工作，短期大學畢業後，便前往東京發展，除咗成為女性時裝雜誌《mina》嘅固定模特兒，亦經常於電視節目露面。而秋妹可以話係男人嘅最佳情人，除咗長相甜美及身材勁有睇頭，佢更相當鍾意同人摸住酒杯底傾偈，並考埋個唎酒師資格，難怪佢被封為「最想一齊飲酒嘅日本美女No.1」。想感受秋妹魅力，不妨欣賞佢最近推出嘅寫真集《SHU》，為咗保持良好狀態，秋妹特登喺拍攝前禁酒，令無酒不歡嘅佢相當唔習慣。幸好去到澳洲取景時佢一樣玩得奔放又開心，笑容依然吸引，露出嘅胴體又Fit又誘人！另外，秋妹亦返到家鄉北海道拍攝，當中會將懷念家鄉同家人嘅感性一面表露出嚟，流露出嘅真摯情懷令人動容。
撰文：賢