舞原聖食咖喱多過你食飯，有冇咁誇呀？係有啲誇嘅，但事實上佢真係好鍾意食咖喱，仲要唔辣到飛起唔食嗰隻！可能有人會話佢冇乜人氣，咪因為阿妹份人太低調，由佢上年開始玩Twitter以來，予人感覺係怕怕醜醜，想露又唔敢太暴露，又怕人笑佢淫蕩，所以福利唔會派好多，至今能夠吸納到15,000個粉絲都算係咁喇！睇佢出Po，除咗有性感自拍照外，全部都係咖喱，辣道仲係10粒星最激辛，而早前全球都拍片挑戰食「18禁」咖喱，原來阿妹早就試過，連佢都話辣到好惡頂。而佢愛咖喱嘅熱度，更開埋「激辛日誌」定期同粉絲分享食後感，最新一期報告係辣度達10辛嘅咖喱飯，但阿妹話唔係好辣喎！