好多女仔會因為自己個胸唔夠大而感到自卑，其實呢種想法真係要改變，因為好多當紅女星都唔係胸前偉大，而喺巨乳妹橫行嘅日本寫真界中，亦有經典級女優唔係靠巨乳上位，佢就係山崎真實喇！
想睇大波妹真係好容易，喺日本寫真界隨手都可以搵到一籮。不過，老老實實講句，係咪真係前世未睇過巨胸，今世一定要追住大波妹嚟睇呢？事實上，講到吸睛以及迷人程度，好多纖巧型微乳女仔一樣好吸引，例如日本寫真女神山崎真實，相信好多資深寫真迷都唔會陌生，亦會覺得佢愈來愈有魅力，有女人味得嚟卻保留住幾分美少女味道，一個甜美笑容不知砌底幾多現役美少女！
雖然佢嘅上圍只有C Cup稱唔上巨乳，但只要輕輕一托一夾，亦營造出激凸效果，加埋身材高挑及纖腰，體態之誘人不下於大波寫真妹。
山崎真實嘅身材纖巧又婀娜，相信同佢4歲開始就鍛煉體操有關，而佢就讀中學高中二年級時，更因為體操表現出眾，而成為國民體育大會嘅大阪新式體操隊伍代表成員之一，不過因為佢立志做藝能人，所以後來就冇玩體操，反而走去參加Miss Magazine選美大賽，結果奪得「讀者特別獎」，並成功加入藝能界，之後向多方面發展，除咗拍寫真，亦拍電視劇及電影，最出名嘅演出就一定係喺《轟轟戰隊》以及《海賊戰隊》中扮演反派女忍者風之靜香喇！
早前佢完成咗舞台劇《分享世界2020》嘅演出，同時推出全新寫真集《ひととき》，當中佢幾乎全裸嘅激情演出，吸睛度爆晒燈！每張寫真都充滿美感同藝術感，用行動話畀大家知做寫真女郎唔一定要靠大波，演出功架先係最重要！
簡介：山崎真實工作多又忙碌，好彩佢不時會喺社交網透露動向，想知佢最近做緊乜，Click去睇吓就一清二楚喇！
網址：https://twitter.com/yamasakimami920
年齡：34歲
身高：5呎7吋
三圍：33C-23-34
撰文：賢