因應疫情，大家都係盡量減少出街為上策，而好多大型活動都相繼暫停或中止，例如英國著名嘅戀物派對就被迫取消，搞到唔少人大嘆冇得玩！不過幸好日本有AV片廠為咗慶祝成立兩周年，重金還原粉紅沙龍風俗店，透過VR技術，讓人足不出戶就有置身其中嘅快感！
AV片廠踩入日本風俗業界，開設自家品牌風俗店？大家唔使驚訝，其實係KMP旗下專門製作VR作品嘅AV子品牌SCOOP VR，為慶祝成立兩周年，於是推出名為《超真實VR粉紅沙龍HQ特別版！！》。所謂粉紅沙龍，其實係日本風俗店類型嘅一種，正常嚟講就係喺店舖卡位內，有風俗孃同客人吹吓水兼吹奏吓，本應冇本番嘅，但作為AV梗係啪啪啪連場啦！套作品之所以喺日本引起哄動，並非因為題材或VR，而係KMP為咗呢套兩周年慶祝作品，用咗相當多嘅經費，神還原現實中嘅粉紅沙龍風俗店。除咗風俗店內嘅裝修幾乎同真嘅一樣外，就連門口個指名牌，都跟足真風俗店嚟做，配合埋燈光同音樂，氣氛十足。觀眾只要戴上VR眼罩，就好似置身喺風俗店一樣！有AV迷稱佢一直好想去粉紅沙龍見識吓，但又冇咁嘅膽量，正好趁呢個機會體驗一下。
雖然英國官方嘅抗疫方案慢幾拍，但民間已經積極防疫，好似被喻為全球最瘋狂，位於英國嘅戀物俱樂部Torture Garden，便取消咗每次舉辦都吸引眾多戀物愛好者嘅戀物派對。Torture Garden嘅官方發言人稱，有鑑於新冠肺炎嘅蔓延情況，為咗保障員工及客人健康，於是佢哋決定忍痛取消原定於3月下旬喺利物浦舉辦嘅戀物派對，而4月17及18日喺倫敦舉辦嘅派對，亦同樣宣布取消收場。事實上，Torture Garden所舉辦嘅戀物派對，一直深受全球戀物愛好者歡迎。唔單止因為舞台演出勁華麗，入場人士亦可按自己癖好進行Cosplay，呢個早喺1990年10月開始舉辦活動嘅俱樂部，已先後喺日本、德國、紐約、荷蘭等多個國家舉辦過超色氣嘅派對，難怪取消消息一公布，引嚟唔少好此道嘅網民表示可惜。
唔知大家仲記唔記得，之前日本有件巨乳錯覺T恤呢？呢件由日本創意設計公司「ekoD Works」（エコードワークス）推出嘅「妄想影像T Shirt」（妄想マッピングＴシャツ），設計理念係透過曲線嘅網格同陰影，營造出穿着者好似有對巨乳嘅錯覺效果。當時呢款T Shirt只得白色，最近追加兩種顏色，分別係深藍色同黑色，而原本黑色嘅網格，亦因此換咗做白色。雖然顏色變咗，但錯覺效果仍然冇變，正面睇依然畀人一種巨乳錯覺。官方稱如果女士着埋條吊帶裙或褲嘅話，激凸效果會更加明顯。不過記住着呢件T Shirt時，要小心唔好畀人睇你嘅側面。事關激凸效果只能從正面睇到，如果從側面睇嘅話，就會發現穿着者嘅心口其實係飛機場，咁就穿晒崩。
撰文：魂