日本AV業界最鍾意就係因應潮流而發展，見到有動漫、電影成為城中熱話，就會拍番部相似嘅作品吸引AV迷注意。另外，久不久亦會搵女優變身成為A貨藝能人，歷來就有琥珀詩扮演AKB48成員前田敦子，亦有加護芽衣扮成前早安少女組成員加護亞依，兩位女優的確扮得維妙維肖，而最近亦有一位AV女優同人氣美少女演員，被稱為「千年一遇之美少女」橋本環奈非常相似，佢就係奏音花音喇！
佢喺上年7月出道時，憑住可愛俏麗嘅面孔以及亮晶晶嘅大眼睛而備受注目，當時已經有人話佢同橋本環奈似樣，最近佢同AV廠Moodyz合作嘅新碟《1000年に1人のAV女優！》就直情扮橋本環奈，從封面睇真係好似餅印一樣，片中佢仲模仿好多環奈曾經做過嘅動作添，環奈嘅粉絲見到一定會覺得好笑！相信花音以後將會有更加機會以A貨身份演出，大家拭目以待。