講起兔女郎服，雖然經典但感覺有啲老套……如果你咁諗就錯喇！因為日本Cosplay界最近又再興起呢款服裝，更出現唔少自訂款式，想幾吸睛都得！不過講到性感，日本有寫真女優搖身一變，變成健美達人，而且身材仲正到點睇都唔夠喉。
提起兔女郎服，相信男士冇可能唔識，呢款原本係成人俱樂部嘅女侍應服，憑住黑色低胸高衩連身衫，配合黑色魚網絲襪同高踭鞋，以及一對兔耳同兔尾巴，早喺1960年已出現，至今有60年歷史！如此經典嘅Design，近年卻成為日本Cosplay界嘅熱選服裝之一。日本綜藝節目《タモリ俱樂部》早前訪問咗一間服裝製作公司Atelier Darm，喺佢哋超過20年製作服裝嘅歷史中，見證住兔女郎服嘅變化。從當年嘅傳統純黑造型，到後嚟因應唔同客戶要求，進行各種改變。而節目亦搵嚟三位女Cosplayer，展示佢哋訂製嘅三款兔女郎裝，分別係九条Negi嘅女僕風兔女郎、柳澤賀惠嘅閃亮粉紅兔女郎，同埋涉谷兔女郎小姐（バニーガールの涉谷さん）嘅神奇女俠風兔女郎，絕對係各有特色，唔知大家鍾意邊款多啲呢？
寫真女優為保持前凸後趷嘅波哋，都會去健身、跳舞同做瑜伽等，但係極少會變成健美達人兼攞埋獎，而寫真女優犬童美乃梨就係其中之一。1994年5月6日於愛知縣西尾市出生嘅佢，早喺2011年就已經進軍演藝圈，並以「犬童梨乃」之名成為名古屋地方偶像團體嘅成員。憑住35G、23、33嘅三圍，而獲得極高人氣，因此2013年離團轉投另一偶像團體Sweet Surrender並改用現時藝名後，開始喺日本被廣泛認識。2015年佢又同超人氣寫真女優青山光及橋本梨菜組成女團sherbet，人氣更係直線急升。不過平日玩開健身嘅佢，最厲害係練到變成專家兼參加比賽，喺去年嘅「Summer‧Style‧Award新人類」健美比賽中，分別喺Couple Model及Beauty Fitness Model兩個部門奪得冠軍。去年4月開始，更經營教人健美嘅Youtube頻道，搖身一變成為健身達人，大家不妨跟佢學兩招！
唔少實體情趣用品店，都好鍾意搵女士做售貨員，據稱如此安排對男士嚟講會易接受啲，而對女士嚟講更會有感同身受嘅共鳴。不過凡事冇絕對，日本就有情趣用品店，不但搵男士擔任售貨員，佢哋嘅瞓身推銷手法，更相當有話題性。話說該店其中一位男售貨員wo_ueno，早前喺Twitter上分享一張硬銷「啜提子吸盤」情趣玩具嘅相，相中所見佢並非好似一般售貨員拎住件玩具嚟影相，而係剝剩條底褲，然後將個吸盤吸住自己心口兩粒提子，邊震邊玩邊硬銷！呢種咁專業嘅態度，可以話係寓工作於淫樂，唔係，係娛樂至啱！咁專業嘅售貨員真係無得輸。不過有網民就話，如果此情此景能夠換做女售貨員嘅話，相信會更加吸睛喎。
撰文：魂