點解佢會紅得咁快？須知道韓國嘅賽車女郎有唔少，但佢哋同一般嘅DJ同模特兒唔同，因為佢哋有種特徵係其他兩種冇嘅，唔單止係樣靚同玲瓏浮凸嘅身材，而係在於一對長腿！李雅麟固然係有樣有身材，而對長腿亦相當正，之但係佢可以爆紅仲有一樣嘢，就係佢夠熱情。唔係話吓吓搶到盡嘅嗰種熱情，而係佢每次演出都會百分百投入，而最為人所印象深刻嘅，有次佢喺全羅南道韓國國際賽車道舉辦嘅一場賽事中，佢不但以超性感低胸超短迷你裙亮相，瞬間吸引大家眼球嘅同時，當人哋影佢相時，佢識得迎合大家不斷轉換甫士，同時又為賽車手擔傘助威，相當賣力，難怪佢自出道以嚟人氣爆燈。