喺香港睇舞台劇始終都唔及入戲院睇電影咁能夠成為主流娛樂，但喺日本就唔同，舞台劇係好多日本人熱衷嘅消遣節目，而且仲有好多又靚女又好戲嘅寫真女優演出添，好似童顏女神中村靜香就係其中之一。
日本有好多女仔都叫做靜香，而有幾個靜香大家一定識，一個係工藤靜香，喺嫁畀天王級男星木村托哉之前曾經紅極一時，另一個係源靜香，佢係《多啦A夢》中溫柔又體貼嘅角色，相信好多人都由細睇到大！仲有一個靜香係唔少男人心目中嘅女神，佢就係中村靜香喇！
雖然佢喺藝能界出道已經18年，但家陣只不過係31歲，而且保養得宜，比起好多同齡女性，外表顯得年輕貌美，而且保持一副可愛娃娃臉。身材愈來愈弗之外，胸前對F奶更係富彈性同堅挺，難怪至今喺寫真界並未言休，仲好有信心咁將露出度提升添！
2002年佢展開演藝生涯，以13歲之齡成為美少女組合「小娃娃隊」嘅成員，翌年佢參加「第9屆全日本國民美少女比賽」，雖然進入決賽後就止步，但卻成為「美少女Club 21」嘅一員，及後便進軍寫真界，至今推出嘅寫真碟逾50部，而寫真集則有6本，可以話為寫真迷留下好多美好回憶，而未來佢將會繼續保持曝光率，大家唔使怕欣賞唔到佢副靚偈。
近年靜香喺電視界發展亦唔錯，工作非常多，除咗為日本旅遊節目做主持，仲有份參與演出電視節目，包括《中村靜香之酒、人物、夜話》。另外，靜香亦殺入舞台界發威，剛剛喺上個月就完成舞台劇《艷舞孃物語》，近期忙於排練緊新劇《飛龍傳》，準備喺4月尾演出，日本嘅觀眾真係有眼福喇！
簡介：中村靜香經常會喺社交網透露個人動向，想知道佢最近忙於邊一方面嘅工作，就要多啲上去睇睇喇喂！
網址：https://twitter.com/sizukanakamura/
年齡：31歲
身高：5呎4吋
三圍：34F-24-35
撰文：賢