新冠肺炎疫情全球蔓延，四仔界亦受牽連，好似年初捧走「Best New Foreign Starlet」大獎嘅俄妹Liya Silver，本來有排山倒海嘅慶祝活動及商演，結果要全部取消，家陣連拍四仔都要停工，獎項餘溫都攤凍晒，咁攞獎仲有咩意義呢？無計，難過都要過，好在今期AVN網上雜誌趁住Liya Silver幫VIXEN拍攝四仔期間，即刻補飛拉阿妹做專訪兼拍寫真。
而Liya Silver呢輯寫真唯美爆燈，尤其係水底拍攝嗰幾張，值得一睇。喺訪問中，阿妹表示並冇諗過做脫星，之所以落床係因為拍拖生活太無聊又枯燥，希望得到所有男士嘅注意，於是佢飛咗男友，投身脫星界同男優激戰。最初佢喺歐洲起步，一年未夠就被美國片廠睇中，拉佢過檔砌鑊甘。自言從不為將來打算嘅Liya Silver話，冇諗過自己會紅亦唔稀罕獎項，問到佢今年有乜大計？佢就話只信命運，唔會諗多於半粒鐘後嘅事，一生只關心三件事，就係「旅行、金錢、性愛」，有齊以上3項，就係地球最幸福嘅人喇！