創意呢樣嘢真係無處不在，好似原本用嚟做Cosplay嘅奶罩，竟然可以變成口罩，仲要係相當堅挺，真係估佢唔到！不過講到出人意表，又點及得上日本有位美熟女人氣Cosplayer，佢嘅魅力同年輕美少女Cosplayer相比，一啲都唔輸蝕呢！
自從日本網絡呢排興奶罩變口罩後，唔少人都對奶罩打主意，睇吓點樣改造出別出心裁嘅特色口罩！好似日本業餘Cosplay服製作人兼家庭主婦幸子（サチコ）咁，佢最近整咗個鐵甲口罩出嚟，感覺堅硬淨！其實呢款口罩係佢嘅「裝甲比堅尼」計劃產品之一，冇錯，個鐵甲口罩係畀Cosplayer穿着用嘅奶罩！雖然感覺似係笑料一則，但有女網民話撇開呼吸順暢度同抗病毒呢啲考慮因素，其實呢個鐵甲口罩戴上面都幾舒服。事關奶罩裏面有墊，就算同肌膚多接觸亦無問題，最重要係奶罩款式夠多，鍾意換款出街都得。而幸子話以後會開發出更多款式應市。不過講真，如果有人戴呢個奶罩出街，感覺都好變態囉。
性感角色扮演（Cosplay）係後生女世界？未必，其實只要有顆熱愛Cosplay嘅心，本身樣靚身材正，又有展現性感一面嘅膽識，無論幾多歲都可以玩Cosplay，兼且一樣展現出誘人魅力。好似呢位叫做由貴（Yuki）嘅日本女Cosplayer，名副其實係Cosplay界嘅性感美魔女。佢樣貌甜美，身材又玲瓏浮凸，驟眼望落去以為佢廿歲出頭，查實佢已經31歲，早喺2014年已活躍於日本Cosplay界。雖然30有多但保養得極好，火辣身材一啲都唔比班新進女Cosplayer遜色，扮起現今人氣嘅動漫女角色依然游刃有餘。不過話晒佢係資深女Cosplayer，近年佢唔單止積極拍攝相關嘅寫真，仲開埋公司製作Cosplay服裝同道具，仲為其他Cosplayer提供專業訂製服務，果然係愈熟愈性感，兼且愈做愈醒目！
男女調情體位有唔少，而最為著名嘅莫過於六九口愛式，透過口舌活動挑起彼此嘅慾火，絕對係前奏嘅最佳體位。不過英國性學家Ann Summers指出，如果覺得呢種玩法太單調，想將佢升呢嘅話，可以試試一個名為Sideways 69嘅方法。呢招嘅玩法其實超簡單，就係喺大家口愛嘅時候，頭部再往對方嘅胯下深入一啲，等舌頭可以挑逗到對方嘅後花園，冇錯，所謂升呢嘅意思，其實係指舌挑對方嘅後花園咁解。據Ann Summers稱後花園具有強力嘅挑逗作用，而呢個動作嘅強度正好適合從未試過後花園玩法嘅男女，從中獲得前所未有嘅快感。若然係有玩弄後花園習慣嘅男女呢？Ann Summers話可以加入後庭塞，六九口愛式時嘅感覺亦會更勝從前。問題係有幾多人接受到呢種挑逗方式呢？
撰文：魂