乜嘢叫做愛情？美國生物人類學家兼金賽研究所資深研究員海倫‧費雪（Helen Fisher），就將個人見解寫入著作《解構愛情：性愛、婚姻與外遇的自然史》中。海倫認為愛嘅內容相當廣泛，就從動情一刻到情淡分手，當中所有嘅事都係愛嘅真諦，因此從愛嘅最初體現，即係千古不變嘅調情行為開始講起，先講述男女點樣吸引心儀對象，或反過嚟被心儀對象吸引，然後再講到談情說性階段，男女之間嘅隱定關係與承諾，再帶出出軌同離婚等問題，好似啪啪啪係愛情嘅穩定器等。喺講述過程中，引用多個案例嚟證明作者嘅睇法。不過當中最特別嘅係，介紹一種名為「費雪戀愛量表」，透過54個問題，等大家知道自己喺戀愛過程中究竟屬於邊一類人，從而搵到一種最適合自己嘅戀愛策略。