人生總係有好多兩難問題，好似日本最近有個關於好唔好上男友屋企發生第一次嘅調查，竟然引嚟支持同反對兩派女士熱議。另外英國有份筍工，玩情趣玩具加做客服，竟然有38萬港元年薪，究竟做唔做好呢？
早前日本官能小說家大泉里香做咗一個調查，內容係關於女士同男友第一次啪啪啪，會揀喺邊度進行，結果發現有44.8%女士認為喺愛情酒店最理想，而去男友屋企僅得28.7%，但結果一出卻引嚟其他女網民激烈回響，因此大泉理香就為贊成同反對兩派女士做咗個意見總結。支持第一次應上男友屋企啪啪啪嘅女士認為，可以做幾耐都得，兼且唔使擔心酒店房租同時間。亦有女士話可乘機睇吓佢屋企有冇其他女人嚟過嘅痕迹。不過有最多女士認為可以趁機研究對方生活習慣，因為曾有人發現男友屋企竟有愉虐用具！不過反對派卻認為好討厭男友舊被褥嘅氣味，覺得會令佢冇晒性趣。有人認為對方張床太窄，亦有人擔心對方嘅毛巾唔乾淨，甚至有女士坦言，自己一高潮就會潮吹，擔心搞到對方張床濕晒要幫忙清理。睇到呢度，有冇發現唔願上男友屋企啪啪啪嘅女生，感覺係唔多愛對方呢？
今時今日呢個環境，有份穩定工作已經要知足，仲邊敢望有份既高薪又做得過癮嘅好工呢？不過世上無奇不有，英國便有一份玩具客戶服務員嘅筍工，年薪高達38,000英鎊，折合約為38萬港元，並歡迎世界各地嘅求職者應徵。講吓實質工作內容，再諗吓啱唔啱做先！據招聘嘅公司OnBuy.com稱，客服嘅工作內容係要回答客戶喺使用公司嘅情趣用品時，所遇到嘅問題及產品改良上嘅建議，因此客服係需要了解公司每件產品嘅特性同使用方法，並且要將收集得來嘅建議交畀公司，兼且態度要親切。事實上，佢哋現時客服每日收到超過500個同情趣用品相關嘅查詢。而該公司提醒有興趣嘅人士，佢哋平日要有使用情趣產品嘅習慣，先至可以提供更貼身嘅解答。睇嚟做呢份工，唔單止英文要好，仲要識得玩情趣玩具囉。
日本嘅疫情愈嚟愈嚴峻，唔單止限制港人到日，就連當地唔少宣傳活動都取消，當然亦影響埋AV女優嘅粉絲活動。好似有日本AV片廠早喺1月已經事先張揚將於3月21日，喺東京舉辦一個名為「Sexy Valentine Campaign 2020」嘅活動，並有四位天后級AV女優出席，分別係S1專屬嘅三上悠亞同羽咲美晴、MOODYZ專屬嘅七澤米亞同IdeaPocket專屬嘅櫻空桃。本來除咗會有座談會、握手及攝影活動外，四位AV天后亦會喺活動上各自有才藝表演，兼且會同粉絲一齊做朱古力。正當一切籌備得如火如荼之際，有關方面為咗避免疫情擴散關係，早前宣布取消活動。其實除咗呢個活動外，唔少女優嘅簽握會亦相繼取消，令AV迷大感可惜，希望疫情快啲完結喇。
撰文：魂