女仔嘅閨房總會有一兩個巨型公仔，而且可能會有紀念價值，之但係如果同居男友對啲公仔有不軌嘅行為，女友又應該有乜嘢反應呢？而呢位女網友嘅反應明顯係超嬲，佢話：「跟男友同居咗半年，已經去到談婚論嫁階段，但最近發現佢有個行為令我勁扯火，就係估唔到佢竟然搞我個公仔！有日早咗放工，諗住早啲返屋企畀個Surprise佢，點知一入屋就見到佢攬住我隻巨型毛公仔，佢仲要係冇着褲！我扯火鬧佢做乜搞我隻公仔，佢就邊着番褲邊尷尬問我點解咁早返，我梗係唔畀佢扯開話題，佢只好死死地氣道歉，希望我原諒佢。隻公仔係當年我去日本留學，爹哋送畀我嘅禮物，我對佢好似屋企人咁，男友竟然搞佢，真係好嬲呀！」