日本嘅女Cosplayer唔少樣靚身材正，求其擺輯相上網，都能輕鬆成為網絡焦點。好似有位女Cosplayer早前便上載了一輯打機相，即刻成為網絡熱話！另外有位人氣AV女優玩Cosplay，同樣相當吸睛。
相信大部分電玩宅男嘅其中一個夢想，莫過於有個同自己一樣熱愛打機嘅女友，難怪早前日本網絡廣為流傳嘅一輯打機少女相，能成為網絡熱話。雖然呢輯喺Twitter上分享嘅打機少女相並冇露樣，但憑住一對美腿及靚股已經令人想入非非，佢嘅真身究竟係邊位？答案係日本人氣Cosplayer桐間彩！佢出名鍾意打機，該輯相當然能輕易觸動電玩宅男嘅心靈，唔少網民留言話輯相十分誘惑，不過亦同時引嚟部分日本網民熱議，佢哋稱桐間彩手執任天堂N64遊戲機手掣嘅握法唔正確。桐間彩後來坦承非N64年代嘅玩家，所以至有呢個情況。但有網民即刻上載當年N64遊戲機官方手掣正確握法說明書，證實桐間彩握法冇錯，不過有更多網民表示，輯相嘅重點唔應該係美腿及靚股咩？
近年唔少日本AV女優踩入Cosplay界，經常憑性感造型而吸引大家嘅注目。不過有位人氣AV女優卻唔使賣弄性感，一樣贏得AV迷同Cosplay迷嘅歡迎，原因好簡單，皆因佢嘅Cosplay真係好神似，佢就係桃乃木香奈喇。話說佢早前喺Twitter上載一輯相片，Cosplay日本人氣電玩《NieR: Automata》中嘅女角色寄葉2號B型。相中嘅佢不但高度還原電玩中嘅神髓，而低胸衫下略Show乳溝亦夠誘人。呢輯相之所以能夠吸引日本網民，除咗神似外，更因香奈極少玩Cosplay，亦甚少喺Twitter上分享美艷相片，反而鍾意分享美食照，尤其係拉麵照。如果大家仲記得嘅話，佢早前剛完成喺2019年內食勻日本全國拉麵連鎖店「拉麵二郎」（ラーメン二郎）嘅目標，絕對係AV界中著名嘅大胃王。
單身男士同女士約會完時，對方話想去你屋企坐吓，咁即係代表……美國有網民提議如果想令女士感受到你嘅暖男魅力，就應該準備一個「女士抽屜」（Lady Drawer）。據佢建議抽屜內應擺放濕紙巾、梳、橡筋髮箍、衞生巾等女士用品，而佢嘅建議更獲超過22,000個Like。唔少網民稱呢個建議相當實用，表示曾經試過有女士嚟過夜，卻發覺冇衞生巾嘅尷尬情況。不過有網民補充指，如果想令約會嘅女士感覺到賓至如歸嘅話，應該加入三樣嘢，就係洗甲水、驗孕棒同情趣棒棒。呢個建議不但獲得眾多網民認同，真心認為夠貼心，卻亦有網民懷疑女士見到支情趣棒棒時，會否抗拒有太多人用過。有網民則稱女士屋企亦應準備「男士抽屜」（Man Drawer），而當中只需啤酒、指甲鉗、紙巾同J杯就夠。
撰文：魂