近半年對鍾意欣賞日本美女寫真嘅朋友嚟講，可以話壞消息不斷，先有青春長身可人兒小倉優香話唔再拍寫真，再有「國民首席情婦」橋本愛實宣布嫁人兼封胸，而最近表示要從寫真界中畢業嘅，仲有大波妹濱田由梨。
阿妹出道拍寫真已經超過10年，好多人都睇住佢由青春美少女變成風韻迷人嘅美艷姐姐，雖然氣質有變，但係弗到爆燈嘅身材以及脹卜卜嘅G奶仍然咁誘人！早前由梨話唔再拍寫真，而最近推出嘅寫真集《myself》就係佢嘅畢業作品，今次去到沖繩取景，除咗會將當地嘅美麗風光帶畀大家，仲會將出道以來最激及最挑逗性嘅演出一併送上，唔少照片中，可以見到由梨大露股罅，仲會半裸上身，當然係一點不露啦，但係呢種若隱若現嘅誘惑更加引人入「性」！